दसरा - 'सोन्याची पाने'

सोन्याची पाने

'दसरा' या सणा ऐवजी मी, या दिवशी माझ्या मनाला स्पर्शुन गेलेला एक विचार, एक मनोगत कथित करणार आहे..

तेव्हा मी नववीत होतो. आणि तो 'दसऱ्या' चा दिवस होता. बाबांच्या मते मी मोठा झालो होतो. आणि म्हणूनच त्यांनी मला त्या दिवशी 'सोन - म्हणजेच आपट्याची पाने' आणायला पाठवले होते. सध्याकाळचे ५-५:३० वाजले असतील. मी नवीन घेतलेला सोनेरी कोश्याचा गुरूशर्ट आणि पांढरा शुभ्र असा पायजामा घातला होता. आणि आता माझ्या 'टॉप गियर' सायकल वरुन ऐटीत निघालो होतो.

'दसरा' दिवस म्हणून पहिले 'श्रीराम' मंदिरात गेलो (तसा मी एकनिष्ठ 'रामभक्तच'). मनोभावे नमस्कार करून मी त्या दिवशी 'दान पेटीत' ५ रुपयांचे नाणे टाकले - हे मला अजूनही स्पष्टच आठवत आहे. आणि आपल्याला नेमुन दिलेल्या 'सोने' आणायच्या' कामाला निघालो. 

बाजारात आल्यावर 'सोने' विकणारे ('सोन्याच्या पानांचा' या पुढे मी 'सोने' म्हणूनच उल्लेख करणार आहे) बरेच शेतकरी आणि दुकानदार माझ्या दृष्टीस पडले. त्या दिवशी बाजार झेंडूच्या 'पिवळ्या', 'लाल' आणि आपट्याच्या, आंब्याच्या पानांच्या 'हिरव्या' गर्द रंगांनी खरच भहरून आला होता. मग गिह्राईकांच्या प्रचंड गर्दिनि घेरलेले एक दोन दुकानदार आणि त्यांची 'भांडणात रुपांतर झालेली घासाघिस' सोडून, मी त्यातल्या त्यात ताजी सोन्याची पाने विकणार्‍या एका 'व्रुद्ध' म्हणून 'आजीबाई' समोर येऊन थांबलो. आणि मग माझा - 'आयुष्यातील व्यवहार सुरू झालेला होता....'

१४ फेब्रुवरी २००९

पहिलाच ब्लॉग '१४ फेब्रुवरी' या दिवासवर लिहितोय. होय हा व्हालेंटाइन दिवसच. पण पुढचा गैरसमज होण्या अगोदर स्पष्टच सांगतो, ही काही लव स्टोरी नाही.  हा फ़क्त माझ्या आयुष्यातील एक छोटासा आणि गमनीदार किस्सा आहे. तेवढी आठवण हुबेहूब उभी करण्याचा प्रयत्न करतो आहे.

मी माझ्या करियरची सुरवात NSE,मुंबई मधे २००७ साली केली. कालांतराने फ्रेशर चा दिड पावणे दोन वर्षाचा अनुभवी प्रोग्रामर झालो होतो. 

तेव्हा मी एका फायनांस कंपनी साठी काम करत होतो. ते वर्ष होते २००८-०९ चे, अगदी बरोबर जेव्हा डीप रिशेशन होते.  प्रत्येकाला आपल्या जॉब ची चिंता होती. तेव्हाच आम्हाला प्रोजेक्ट डेलिवेरी करायची होती. मला अजुनही ती डेडलाइन ची तारीख आठवते आहे - १५ मार्च २००९. प्रचंड काम होते तेव्हा. आम्ही रात्रीचा दिवस अणि दिवसाची रात्र करुन प्रोजेक्ट कसा पूर्ण करता येइल हाच विचार करत होतो.

आता १४ फेब्रुवरी २००९, शनिवार चा दिवस उजाडला होता - यस तोच व्हालेंटाइन चा दिवस आणि हो आम्ही वीकेंड ला सुद्धा काम करत होतो. प्रोजेक्ट टीम मधे आम्ही ४ प्रोग्रामर होतो (लगेच छोटा प्रोजेक्ट होता असा विचार करू नका. टीम बरीच मोठी होती, आम्ही ४ जण एका मॉडूल वर काम करत होतो ज्याची डेलिवेरी १६ फेब्रुवरी ला करायची होती), प्रोजेक्ट मेनेजरहि त्या दिवशी होता. आम्ही दिवसभर काम करुन आमच्या मॉडूल चे काम जवळ जवळ पूर्णत्वास आणले होते.